Су астындағы мәдени мұра және халықаралық құқық: әмбебап деңгейдегі конвенциялық реттеу
https://www.doi.org/10.32523/2791-0954-2024-12-4-51-63
Қаралымдар: 0 / PDF жүктеулері: 0
Кілт сөздер:
мәдени мұра, су астындағы мәдени мұра, мәдени құндылықтар, мәдени игілік, халықаралық теңіз құқығы, археология, ЮНЕСКОАңдатпа
Ғылыми мақала су астындағы мәдени мұраны қорғау саласындағы шарттық сипаттағы әмбебап халықаралық-құқықтық нормаларды зерттеуге арналған. Осы мақсатта автор БҰҰ-ның 1982 жылғы Теңіз құқығы туралы Конвенциясының тиісті ережелерін, сондай-ақ 2001 жылғы Су астындағы мәдени мұраны қорғау туралы Конвенцияны зерттейді. Аталған екінші халықаралық шартты әзірлеу және қабылдау қажеттілігін тудырған 1982 жылғы Конвенцияның аталған нормаларының кемшіліктері қарастырылуда. Бұл кемшіліктердің пайда болу себептері көрсетілген. 2001 жылғы Конвенцияны зерттей отырып, автор оны ЮНЕСКО-ның мәдени мұраны қорғау саласындағы басқа халықаралық шарттарынан, сондай-ақ 1982 жылғы Конвенциядан ерекшелендіретін ерекшеліктеріне назар аударады. 2001 жылғы Конвенцияның қағидалары, оның ішінде су астындағы мәдени мұраны коммерциялық мақсатта пайдалануға тыйым салу қағидасы талқыланады. Су астындағы мәдени мұраны табу туралы немесе оған бағытталған қызметті ерекше экономикалық аймақта, континенттік қайраңда немесе теңіз түбінің халықаралық ауданында бастау ниеті туралы ақпарат беру рәсімін көздейтін осы халықаралық шарттың ережелеріне ерекше назар аударылады. 2001 жылғы Конвенцияның тиімділігіне теріс әсер етуі мүмкін факторлар қарастырылуда.
