Қылмыстық жолмен алынған кірістерді заңдастыруға (жылыстатуға) қарсы Еуропалық заңнаманың маңыздылығы
https://www.doi.org/10.32523/2791-0954-2024-8-2-38-50
Қаралымдар: 13 / PDF жүктеулері: 0
Кілт сөздер:
Еуропа құқығы, халықаралық құқық, ақшаны жылыстату, Еуропалық Одақ, қылмыстық жауапкершілік, қаржы жүйесі, қылмыстық құқық.Аңдатпа
Қазіргі жаһандану жағдайында ақшаны жылыстату халықаралық құбылыс болып табылады, ол белгілі бір мемлекеттің шекарасынан шығып, жаңа трансұлттық және халықаралық нысандарға ие болады. Ақшаны жылыстату көріністері, оның ішінде ұлттық деңгейде жаһандық экономикалық, әлеуметтік және саяси процестерге айтарлықтай әсер етеді. Осыған байланысты ақшаны жылыстатумен күресу мақсатында халықаралық құқықтық реттеу мәселесін зерттеу өзекті болып табылады. Халықаралық қоғамдастық ақшаны жылыстатуға қарсы күрес саласындағы ынтымақтастық мәселесіне ерекше назар аударады. Мақалада ақшаны жылыстатуға қарсы жүйенің мүмкіндіктерін біріктіру және пайдалану үшін жеткілікті негіз құрайтын халықаралық құқықтық құжаттар және олардың ұлттық заңнамасының халықаралық стандарттарға сәйкестігін қамтамасыз етуге ұмтылатын мемлекеттерге арналған ақшаны жылыстатуға қарсы тиімді әдістер талданады. Бұл халықаралық деңгейде де, ұлттық деңгейде де ақшаны жылыстатуды реттеуге және оған қарсы тұруға негіз болатын көптеген актілердің қабылдануымен расталады.
