Халықаралық қылмыстық төрелік және халықаралық қылмыстық төрелік органдары идеясының эволюциясы
DOI: 10.32523/2791-0954-2022-1-1-103-111
Қаралымдар: 3
Кілт сөздер:
халықаралық қылмыстық төрелік; халықаралық қылмыстық төрелік органдары; халықаралық қылмыстық құқық; халықаралық қылмыстар; Ұлттар лигасы; Халықаралық қылмыстық сот; ad hoc трибуналдары.Аңдатпа
Осы ғылыми мақала халықаралық қылмыстық төрелік пен халықаралық қылмыстық төрелік органдары идеясының генезисіне арналған. Автор халықаралық құқық бойынша жақын және алыс шетел профессорларының тарихи фактілерін, философиялық еңбектерін, ғылыми жарияланымдарын зерттейді, халықаралық қылмыстық төрелік пен оның органдарының идеядан қазіргі халықаралық қылмыстық құқық шеңберінде құқықтық реттеуге дейінгі эволюциясының хронологиясын айқындау мақсатында халықаралық шарттарды талдайды. Сонымен қатар, ғылыми мақала аясында Ш. Бассиони, А. Волеводз, Ф. Мартенс, Г. Муанье, А. Дорская және т.
б. зерттеушілердің еңбектері талданды. Гуго Гроцийдің «Соғыс және бейбітшілік құқығы туралы» («De jure belli ac pacis») еңбегіне және оның төрелікті түсінуіне, сондай-ақ Цицеронның «шынайы заң» туралы идеясына
ерекше назар аударылды. Сонымен қатар, автор Версаль бейбітшілік шартының ережелерін, Ұлттар Лигасының Халықаралық қылмыстық сот құру туралы конвенция жобасына қатысты құжаттарын зерттеді, ad hoc трибуналдары мен Халықаралық қылмыстық сот құру жөніндегі құрылтай құжаттарына қысқаша шолу жасады. Жүргізілген талдау негізінде автор «халықаралық қылмыстық төрелік» және «халықаралық қылмыстық төрелік органдары» анықтамаларына өз көзқарасын ұсынады.
