Қазақстан Республикасында және Грузияда туризм аясындағы заңнамаға салыстырмалы талдау

Аңдатпа

Қазіргі әлем адамның ұтқырлығынсыз мүмкін емес, оның көріністерінің бірі-туризм. БҰҰ және басқа да бірқатар халықаралық ұйымдардың пікірінше, туризм мәдени қайшылықтарға, ұлттық араздыққа, сондай-ақ адам кедейлігіне қарсы іс-қимыл жөніндегі пәрменді шара, мәдени дәстүрлер мен тәжірибе алмасуды жүзеге асыру құралы болып табылады. Заінаманың күшті және әлсіз жақтарын анықтау мақсатында Қазақстан Республикасы мен Грузияның туристік заңнамасына талдау жүргізіледі, сондай-ақ осындай заңнаманың және өзге де қолданылатын шаралардың тиісті елдің туристік индустриясына әсері талданады. Тұжырымдамалық әдісті қолдану арқылы туристік индустрияны реттеу мәселесіне қатысты халықаралық шарттық база зерделенді, оның нормалары талданды, оның әлемдегі туризмді реттеудегі рөлі анықталды. Тұжырымдамалық және салыстырмалы әдістерді біріктіріп қолдану арқылы олардың артықшылықтары мен кемшіліктерін анықтау үшін Қазақстан Республикасы мен Грузиядағы туризм саласындағы заңнаманың жай-күйі талданды, қарастырылып отырған елдердің туристік заңнамасына, оларда жүзеге асырылатын туризмді реттеу жөніндегі ұйымдастырушылық іс-шараларға салыстырмалы талдау жүргізілді, әрбір елде туризмнің басым түрлері анықталды. Қазақстан Республикасы мен Грузиядағы туристік индустрияның жай-күйін зерделеу арқылы мұндай көрсеткіштер заңнама нормаларымен және олардың сәйкестігі мен нәтижелілігі тұрғысынан заңнамалық нормаларды қолдану бойынша қолданылатын ұйымдастырушылық шаралармен салыстырылады. Зерттеу нәтижесінде екі ел заңнамасының оң және теріс жақтары анықталды, туризмнің басым бағыттары анықталды, сондай-ақ қолда бар тақырыптық заңнаманы қажетті, пәрменді және елдердің бірінің заңнамасына тән деп бағаланатын тиісті ережелермен толықтыру ұсынылды.