Шетелдік серіктік байланыс жүйелері арқылы байланыс қызметтерін ұсынуды ұлттық реттеу: Қазақстан Республикасының заңнамасы және дүниежүзілік сауда ұйымы алдындағы міндеттемелері

Аңдатпа

Шетелдік серіктік жүйелер арқылы байланыс қызметтерін ұсынуды ұлттық реттеу мен Қазақстан Республикасының Дүниежүзілік сауда ұйымы (ДСҰ) алдындағы міндеттемелерінің арақатынасы кешенді талдауды талап етеді. Зерттеудің мақсаты - осы саладағы қазақстандық заңнаманы талдау, анықталған олқылықтарды және оның ГАТС ережелеріне сәйкестігі мәселелерін анықтау, сондай-ақ заңнаманы жетілдіру бойынша ұсыныстар әзірлеу. Жұмыстың ғылыми маңыздылығы отандық құқықтану ғылымында бұл мәселеге арналған кешенді зерттеулердің болмауымен байланысты. Зерттеу барысында формальды-заңдық, салыстырмалы-құқықтық, жүйелік-құрылымдық және функционалдық әдістер қолданылды; зерттеудің нормативтік негізін Қазақстан Республикасының байланыс, ғарыш қызметі, ақпараттандыру және ұлттық қауіпсіздік саласындағы бес заңы, сондай-ақ Қазақстан Республикасының ДСҰ шеңберіндегі міндеттемелері, оның ішінде Қызметтер бойынша арнайы міндеттемелер тізбесі құрады. Талдау қазақстандық заңнаманың үзік-үзік сипатын, бірыңғай ұғымдық аппараттың болмауын және мемлекеттік бақылау тетігінің жеткіліксіз дамығанын көрсетті. ГАТС негізгі ережелері призмасы арқылы алдын ала бағалау шетелдік операторларға қойылатын жекелеген талаптардың нарыққа кемсітусіз қол жеткізу қағидаттарына сәйкестігін жеке тексеруді талап ететінін көрсетті. Анықталған олқылықтарды жою бойынша ұсыныстар тұжырымдалды. Зерттеу нәтижелері Қазақстан Республикасының байланыс саласындағы заңнамасын жетілдіруде пайдаланылуы мүмкін.